వెంకటగిరి పారిశుధ్య కార్మికులకు హైజెనిక్ ఫ్లాస్కులు పంపిణీ చేసిన పబ్లిక్ ప్రాసిక్యూటర్ కె.జె. ప్రకృతి కుమార్.

వెంకటగిరి, అక్టోబర్ 3, మహి న్యూస్: బహుళ అష్టమి, ఆరుద్ర నక్షత్రం, మహాలయ పక్షాల శుభ సందర్భంగా వెంకటగిరి గ్రామశక్తి పోలేరమ్మ తల్లిని పబ్లిక్ ప్రాసిక్యూటర్ కె.జె. ప్రకృతి కుమార్ శనివారం దర్శించుకుని ప్రత్యేక పూజలు నిర్వహించారు. ఈ సందర్భంగా అయన మాట్లాడుతూ ఈ పోలేరమ్మ జాతర అంగరంగ వైభవంగా జరగడంలో ఎంతో కీలకమైన, చరిత్రాత్మకమైన పాత్ర వహించిన వెంకటగిరి పారిశుధ్య కార్మికుల సేవలను ఆయన కొనియాడారు. అనంతరం పారిశుధ్య కార్మికులకు హైజెనిక్ ఫ్లాస్కులను పంపిణీ చేశారు. ఈ కార్యక్రమంలో భాగంగా ప్రథమంగా పోలేరమ్మ శక్తిపీఠంలోని పూజారులకు ప్రకృతి కుమార్ ఫ్లాస్కులను బహుకరించి, పోలేరమ్మ తల్లి ఆశీస్సులతో పారిశుధ్య కార్మికులకు వాటిని అందజేశారు. జాతర మహోత్సవంలో రాత్రింబవళ్లు శ్రమించి ఊరిని పరిశుభ్రంగా ఉంచిన కార్మికుల సేవలు అమోఘమని ఆయన పేర్కొన్నారు. ఈ కార్యక్రమంలో వెంకటగిరి స్వామి వివేకానంద యువసైన్యం సభ్యులు చినమదిరి గోపీనాథ్, వనం చెంచుబాబు, రాంప్రసాద్ తదితరులు పాల్గొన్నారు.